U Beču su gorile neonacističke vatre
|
Uz veliko prisustvo policije, koja je zatvorila strogi centar grada, neonacisti su s bakljama u rukama prošetali ulicama grada do Kripte, gdje su ih čekali demonstranti uz bučne proteste. |
|
Neonacisti prizivaju pogrome
Skup je organizovan u utorak navečer u centru austrijske prijestonice protiv neonacističke manifestacije održane ispred Kripte nadomak trga Heldenplac, gdje se nalazi Spomenik neznanom junaku. Na drugoj strani okupilo se oko 200 neonacista, koji su ovoga puta obilježili “Sjećanje na mrtve” bez prisustva vodećih političara Slobodarske partije (FPO), najuticajnije opozicione stranke u Austriji.
Uz veliko prisustvo policije, koja je zatvorila strogi centar grada, neonacisti su s bakljama u rukama prošetali ulicama grada do Kripte, gdje su ih čekali demonstranti uz bučne proteste. Demonstranti su neonaciste dočekali i posebnim akcijama, kao što je performans u kojem su klovnovi odjeveni u vojne uniforme, dok su neonacisti marširali, “žalili smrt vojnika“.
Neonacisti su imali male organizacione probleme jer je glavni govornik zakasnio, pošto je upao u gužvu a potom ga policija nije pustila da automobilom uđe u centar grada. Tokom govora neonacista, antifašisti su ih ometali bukom i petardama. Većih incidenata nije bilo, a samo nekoliko demonstranata je pokušalo preskočiti ogradu kojom su bili odvojeni.
